An Original Tagalog Poem (Tula): "Maraming Salamat, Panginoon"

Nung una kitang makilala,

binalewala kita

Kasi noon ay napakasaya ko

kasama ang aking esposo

Pero nung ako’y kanyang iniwan,

Kita’y muling nasilayan

At buhat nun ay litrato mo na ang aking itinago

sa pitaka ko para mabigyan ng lakas ang aking puso

Maraming salamat po, o Panginoon ko

Ang kaligayahang nadama ko buhat nang kita’y makilala ulit

ay sa katauhan ko’y bumalot na nang husto

at habang buhay ko, ang kasayahang ito’y ibibitbit

Sa pagmamahal mo’y wala na akong mahihiling pa

Habang tumatagal ay minamahal na rin Kita

Habang ako’y nabubuhay ay lagi kitang susundin,

mamahalin, at rerespetuhin

Maraming salamat, o Panginoon naming lahat, Panginoon ko

Ang kaligayahang nadama ko buhat nang kita’y makilala ulit

ay sa katauhan ko’y bumalot na nang husto

at habang buhay ko, ang kasayahang ito’y ibibitbit

Masayang-masaya ako ngayon at dahil sa Iyo ito

Maraming salamat, Panginoon   --ARV