Mga Pangako
Kalahati ng buhay ko
ay inalay ko sa ‘yo
Minahal kita’t pinagsilbihan,
nirespeto’t inalagaan
Masaya ako sa piling mo,
lalo na sa ‘yong mga pangako
na habangbuhay mo akong mamahalin,
aalagaan, pasasayahin, at rerespetuhin
Ngunit isang araw ay may dala kang balita
na talagang ikinagulat ko at ako’y nabulagta
Nahulog ang loob mo sa iba,
at ikaw ay sasama na sa kanya
Nasaan, o nasaan, ang iyong mga pangako
na ako’y habangbuhay mong mamahalin, aalagaan, pasasayahin, at rerespetuhin?
Bakit mo ako iniwan nang ganito?
Di ko na alam ang aking gagawin
Pero lahat ng sakit na ‘yon ay may isang taon na ang dumaan
buhat nang ako’y iyong iiwan
Pero hindi na ako naghihinagpis ngayon
kasi natuto akong kumuha ng lakas sa Panginoon
Noon, sa aking pag-iisa ay aking nalaman
na ang tao pala ay may mga pangakong
pwedeng mabali at makalimutan
Pero hindi ang Diyos na Maykapal
kasi hinding-hindi Niya tayo iiwa’t pababayaan
at ito’y kasama sa mga pangako nya sa ating mga naniniwala sa Kanya
Nasaan, o nasaan, ang iyong mga pangako
na ako’y habangbuhay mong mamahalin, aalagaan, pasasayahin, at rerespetuhin?
Bakit mo ako iniwan nang ganito?
Pero ngayon, alam na alam ko na ang aking gagawin,
at ‘yon ay ang Panginoong Diyos ay habangbuhay kong rerespetuhin, susundin, at mamahalin
No comments:
Post a Comment